احلى دونت للفطور

المقادير :

بيضة
2 كوب دقيق
½ كوب زيت
½ كوب سكر
2 ملعقة كبيرة خميرة فورية
كوب سكر بودرة للتزيين
لبن دافئ حسب الحاجة

طريقة التحضير

-1- اخلطي الزيت والسكر والدقيق والبيض والخميرة في طبق كبير، وقلّبيهم مع بعض لمدة دقيقة باستخدام ملعقة خشب كبيرة، بعد كده ابتدي ضيفي اللبن بالتدريج، واعجنيها بإيدك لحد ما تبقى عجينة متماسكة.

2-اتركي العجينة لمدة نصف ساعة علشان تختمر، وبعد ذلك اعجنيها مرة تانية قبل ما تبدئي في تشكليها، وشكّليها دواير كبيرة باستخدام كوب أو غطاء برطمان، وفرّغي الدواير دي من المنتصف باستخدام غطاء زجاجة.

3- العجينة تختمر لمدة نصف ساعة كمان بعد التقطيع، وبعد كده اقليها في زيت غزير على درجة حرارة متوسطة، لغاية ما لونها يبقى دهبي، وبعد كده طلّعيها، ورشّي عليها السكر البودرة للتزيين، وممكن تستبدلي سكر التزيين بصوص شيكولاتة أو مربى، وبعد كده قدّميها .. وبالهنا والشفا.

ساهم في نشر الموضوع ولك جزيل الشكر !